Logo

प्रमुख समाचार

रूपन्देही ३ मा नाउपाले छानेको उम्मेदवारलाई संघीय लोकतान्त्रिक मोर्चाले सघाउने



रुपन्देही । निर्वाचन आयोगमा नागरिक उन्मुक्ति पार्टी (नाउपा) को दर्ताले वैधता नपाएपछि यसअघि रुपन्देही ३ को उपनिर्वाचनमा साथ दिएको संघीय लोकतान्त्रिक मञ्चले अब भने त्यो पार्टीका संरक्षक रेशम चौधरीले अगाडि सारेका उम्मेदारलाई सघाउने भएको छ ।

बुधबार जनता प्रगतिशील पार्टीका अध्यक्ष हृदयेश त्रिपाठीको अध्यक्षता बसेको मोर्चाको बैठकले पूर्वनिर्णयप्रति प्रतिवद्धता जनाउँदै यस्तो निर्णय गरेको जनाएको छ ।

बैठकपछि जारी विज्ञप्तीको तेस्रो बुँदामा उल्लेख छ –‘रूपन्देही क्षेत्र न. ३ को उपनिर्वाचन प्रयोजनको लाग संघीय लोकतान्त्रिक मोर्चाले साविकमा गरेकै निर्णयप्रति पुनः प्रतिवद्धता जनाउँँदै नागरिक उन्मुक्ती पार्टीका संरक्षक रेशम चौधरीलाई उम्मेदवार निश्चय गर्ने जिम्मेवारी दिइएको छ। उक्त निर्वाचन प्रचार प्रसार तथा परिचालनका लागि मोर्चा सचिवालयलाई विशेष जिम्मेवारी दिइएको छ।’

आफ्नो पार्टीले दल दर्तामा योग्यता नपाएपछि नाउपाका संरक्षक रेशम चौधरीले रूपन्देही–३ को उपनिर्वाचनमा स्वतन्त्र उम्मेदवार उठाउने संकेत गरिसकेका थिए । आगामी कात्तिक १७ गते हुने उपनिर्वाचनका लागि नाउपा निर्वाचन आयोगमा दर्ता हुन नसकेपछि चौधरीले संयुक्त लोकतान्त्रिक मोर्चाको साथ लिएर स्वतन्त्र उम्मेदवारी दर्ताको तयारी गरेका हुन् ।

प्रकाशित मिति : ४ भाद्र २०८२, बुधबार २२:२८   :  बजे

30
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।