Logo

प्रमुख समाचार

दोधाराचाँदनीमा डुबान, शारदा ब्यारेजमा चारपांग्रे सवारी रोक



धनगढी । लगातारको वर्षाका कारण कञ्चनपुरका विभिन्न क्षेत्र डुबानमा परेका छन् । जोगबुढा नदीको पानी बस्तिमा पस्दा दोधाराचाँदनी नगरपालिका– ८ को रामपुरे टापुस्थित जर्गाटोलका २५ घर डुबानमा परेका छन् ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक (डीएसपी) सागर बोहराकाअनुसार घर डुबानमा परेपछि ७० जनालाई जनज्योति माध्यमिक विद्यालयमा लगेर राखिएको छ ।  वडा नम्बर ११ मा पनि पाँच घरमा पानी पसेको छ । प्रहरी टोली उद्धारमा खटिएको छ ।

महाकाली नदीमा पानीको बहाब एक लाख ५१ हजार क्युसेक नाघेपछि नेपाल–भारत सिमास्थित शारदा ब्यारेजमा चारपांग्रे सवारी रोकिएको छ । हाल त्यहाँ दुईपांग्रे सवारी मात्र सञ्चालनमा छन् ।

प्रकाशित मिति : १६ भाद्र २०८२, सोमबार १२:४७   :  बजे

51
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।