काठमाडौं । चलचित्र ‘परान’ले आक्रामक ग्रसकलेक्सनलाई कायम राखेको छ । परानले शनिबार रातिसम्म १४ करोड १६ लाख रुपैयाँ ग्रसकलेक्सन गरेको छ ।
कात्तिक १४ गतेबाट प्रदर्शनमा आएको ‘परान’ले मंसिर ६ गते रातिसम्म १४ करोड १६ लाख ५१ हजार रुपैयाँ ग्रसकलेक्सन गरेको चलचित्र विकास बोर्डले जनाएको छ ।
यो चलचित्रमा नीर शाह, महेश त्रिपाठी, केकी अधिकारी, प्रवीण खतिवडा, अञ्जना बराइलीलगायत कलाकारको अभिनय छ । दीपक आचार्यको लेखन तथा निर्देशन छ ।
चलचित्र ‘जारी–२’ले पाँच करोड ५९ लाख रुपैयाँ ग्रसकलेक्सन गरेको छ । कात्तिक २१ गते रिलिज भएको चलचित्रमा उपेन्द्र सुब्बाको लेखन तथा निर्देशन छ । दयाहाङ राई, मिरुना मगर र विजय बराल मुख्य भूमिकामा छन् ।
चलचित्र ‘मन बिनाको धन’ले तीन करोड ४० लाख रुपैयाँ ग्रसकलेक्सन गरेको छ । अशोक दर्जीको मुख्य भूमिका रहेको चलचित्रलाई टंक बुढाथोकीले निर्देशन गरेका छन् ।
अनमोल केसीको मुख्य भूमिका रहेको ‘जेरी अन टप’ले १२ करोड १९ लाख रुपैयाँ ग्रसकलेक्सन गरेको छ । सुयोग गुरुङले निर्देशन गरेको चलचित्रमा अनमोलसँगै भूवन केसी, आँचल शर्मा, जसिता गुरुङ र केदार घिमिरे मुख्य भूमिका छन् ।
प्रतिक्रिया