बुटवल । दाङमा बसले मोटरसाइकललाई ठक्कर दिँदा एक जनाको मृत्यु भएको छ ।
जिल्ला प्रहरी कार्यालय दाङका अनुसार लमहीबाट रिहार जाँदै गरेको लु २ ख १०९८ नम्बर बस र रिहारदेखि लमहीतर्फ आइरहेको लु ३९ प ८९६१ नम्बरको मोटरसाइकल बिहीबार एक आपसमा ठोक्किँदा लमही नगरपालिका–५ कोलही निवासी २२ वर्षीय विशाल चौधरीको मृत्यु भएको छ । उनी मोटरसाइलमा सवार थिए ।
बसमा सवार रहेका राप्ती गाउँपालिका वडा नम्बर ४ निवासी मिना ठकुरी, शिला परियार र मोटरसाइकल सवार लमही नगरपालिका वडा नम्बर ५ कोलही निवासी अशोक चौधरी र बस धनी सुशील वली घाइते भएका छन् ।
घाइतेहरूको लमही अस्पताल उपचार भइरहेको छ।बस चालकलाई प्रहरीले नियन्त्रणमा लिएर थप अनुसन्धान सुरु गरेको प्रहरीले जनाएको छ ।
प्रतिक्रिया