काठमाडौं । अख्तियार दुरुपयोग अनुसन्धान आयोगले नक्कली शैक्षिक योग्यताको प्रमाणपत्र पेस गरी लाभ लिएको आरोपमा जुम्लाका एक शिक्षकविरुद्ध विशेष अदालत काठमाडौँमा मुद्दा दायर गरेको छ ।
आयोगले जुम्लाको पातारासी गाउँपालिका वडा नं. १ स्थित गंगा माध्यमिक विद्यालयमा कार्यरत शिक्षक भोजराज न्यौपानेविरुद्ध विशेष अदालत काठमाडौंमा भ्रष्टाचार मुद्दा दायर गरेको हो ।
आयोगकाअनुसार न्यौपानेले नक्कली शैक्षिक योग्यताको प्रमाणपत्र पेस गरी शिक्षक पदमा नियुक्ति लिई लामो समयसम्म तलबभत्ता तथा अन्य सेवा–सुविधा लिएको आरोप लागेको छ ।
अनुसन्धानका क्रममा उनले पेस गरेको शैक्षिक प्रमाणपत्र नक्कली रहेको पुष्टि भएपछि भ्रष्टाचार निवारण ऐनअन्तर्गत मुद्दा दायर गरिएको आयोगले जनाएको छ ।
प्रतिक्रिया