काठमाडाैं । नेकपा (एमाले) का सांसद प्रा.डा. पुष्पराज कँडेलले नेपाल राष्ट्र बैंकमा दुई जना डेपुटी गभर्नर नै पर्याप्त रहेको बताएका छन्। प्रतिनिधि सभाअन्तर्गत अर्थ समितिमा नेपाल राष्ट्र बैंक ऐन, २०५८ लाई संशोधन गर्न बनेको विधेयकमाथिको छलफलका क्रममा उहाँले राष्ट्र बैकलाई धेरै डेपुटी गभर्नर आवश्यक नरहेको बताएका हुन् ।
यो संगै उनले निजी क्षेत्रलाई किन धेरै डेपुटी गभर्नर चाहिएको हो? भन्दै यसको आवस्यकताबारे प्रश्न उठाए। बैठकमा सहभागी बैंकर्सहरुले डेपुटी गभर्नरको संख्या दुईबाट तीन पु¥याउने प्रस्ताव राखेको थिए । तर, सांसद कँडेलले भने हालका दुई डेपुटी गभर्नर नै पर्याप्त रहेको उल्लेख गरे।
उनले राष्ट्र बैंकको बोर्डमा महिलाको प्रतिनिधित्व नरहेको स्मरण गराउँदै सरकारले सार्वजनिक निकायका बोर्डमा कम्तीमा एकजना महिला अनिवार्य रहने व्यवस्था गर्न सुझाए। उनले राष्ट्र बैंकको बोर्डमा महिला सदस्य नरहनु र संशोधन विधेयकमा पनि त्यससम्बन्धी व्यवस्था नहुनु दुखद भएको बताए ।
उनले भने,- ‘राष्ट्र बैंकले सबै बैंकका बोर्डहरुमा एकजना महिला न्युनतम भनेर सर्कुलर जारी ग¥यो, त्यो अनुसार व्यवस्थापन हुँदै आएको छ ।
तर राष्ट्र बैंकको आफ्नै बोर्डमा चाहिँ फेरि महिला छैन र यहाँ विधेयकमा पनि यो प्रावधानमा पनि छैन ।
दोस्रो, निजी क्षेत्रका साथीहरूलाई दुईजना गभर्नरले नपुगेर तीनजना गभर्नर फेरि किन चाहिएको हो ? त्यो थप्नुपर्ने लजिक के हो ? दुईजना पर्याप्त नै हुन्छ, अब यसबाट बाहिरी क्षेत्रबाट पनि एकजना लिनेगरि व्यवस्था गर्न सकिन्छ ।
राष्ट्र बैंकबाट एकजना बाहिरबाट एकजना गर्दा हुन्छ । यो सहकारीको जुन सम्बन्ध छ, सहकारीको हामीले छुट्टै प्राधिकरण नै बनाउने भनेर भनिसकेका छौँ ।
त्यसको काम पनि भइरहेको छ, त्यसैलाई सबल बनाउने र अब राष्ट्र बैंकको कार्यक्षेत्रबाट त्यसलाई बाहिर राख्ने हो कि ? पहिला हेर्नुपथ्र्यो, राष्ट्र बैंकले हाम्रो क्षमताले भ्याउँदैन, भनेर अलग्गिएरै बसेको हो ।’
प्रतिक्रिया