काठमाडौं । कोशी प्रदेश सरकारका मुख्यमन्त्री हिक्मत कार्की नेकपा एमालेका अध्यक्ष केपी शर्मा ओलीलाई भेट्न गुण्डु पुगेका छन् ।
भक्तपुरको गुण्डुस्थित अध्यक्ष ओलीको निवासमा भइरहेको छलफलमा कोशी प्रदेशका मुख्यमन्त्री हिक्मत कार्की, प्रदेश अध्यक्ष घनश्याम खतिवडा, प्रदेश सचिव राजकुमार भण्डारी सहभागी छन् ।
पछिल्ला केही दिनयता कोशी प्रदेश सरकारको नेतृत्व परिवर्तनको विषयलाई लिएर एमालेभित्र विवाद चर्किएको छ । अध्यक्षको निर्देशन भन्दै प्रदेश इन्चार्ज शेरधन राईले मुख्यमन्त्री कार्कीसँग राजीनामा मागेपछि विवाद थप तीव्र बनेको हो ।
छलफल जारी रहेकाले यसबारे औपचारिक निर्णय आउन बाँकी रहेको जनाइएको छ ।
प्रतिक्रिया