काठमाडौं । नेपाल राष्ट्र बैंकले बैंक नोट जगनका साथ प्रयोग गर्न आग्रह गरेको छ । राष्ट्र बैंकले एक सूचना जारी गर्दै यस्तो आग्रह गरेको हो ।
राष्ट्र बैंकले भनेको छ- ‘विजया दशर्मी हर्षोल्लाका साथ मनाउँदै गर्दा बैंक नोटको जनतका साथ प्रयोग गरौँ’। ‘दक्षिणा दिँदा सकभर डिजिटल माध्यमको प्रयोग गरौँ। बैंक नोट जतन गर्नु हाम्रो कर्तव्य हो।’
सफा र सुकिला बैंक नोट मात्र चलनचल्तीमा रहुन् भन्ने उद्देश्यले राष्ट्र बैंकले सफा नोट प्रयोग गर्ने नीति लिएको छ। दसैँमा देवीको प्रसादका रुपमा टीका, जमरासँगै दक्षिणाका लागि बैंक नोट प्रयोग गर्दा जिम्मेवारीपूर्वक र होसियारीपूर्वक प्रयोग गर्न राष्ट्र बैंकले आग्रह गरेको छ।
दसैँमा आफ्नो बैंक नोट सुरक्षित राख्न नोटमा रङ, अबिर वा अन्य पदार्थ नलगाउन राष्ट्र बैंकले सुझाव दिएको छ।
प्रतिक्रिया