नेपाली कांग्रेस केन्द्रीय कार्य समितिको आज बसेको बैठकले पार्टीको अनुशासन समितिलाई पूर्णता दिदैं निर्बाचन समिति गठन गरेको छ।सोमबारको बैठकले काँग्रेस केन्द्रीय सदस्य भीष्मराज आङ्देम्बेको संयोजकत्वमा देबेन्द्रराज कँडेल र किशोरसिं राठौरलाई सदस्यमा नियुक्त गरेको थियो ।
आङ्देम्बे, कँडेल र राठौर संस्थापन निकट मानिन्छन्। रामचन्द्र पौडेलले आजको बैठकमा आफ्नो तर्फबाट अनुशासन समितिमा धनराज गुरुङलाई मनोनित गरेका छन् भने कृष्णप्रसाद सिटौलाका तर्फबाट उमाकान्त चौधरी रहेका छन्। यो संगै अनुशासन समितिले पूर्णता पाएको छ।
यसैगरी राधेश्याम अधिकारीको संयोजकत्वमा निर्बाचन समिति गठन गरिएको छ। समितिका सदस्यहरुमा खम्बबहादुर खाती, गोपाल कृष्ण घिमिरे, टेकराज पोख्रेल र सिताराम केसी छन्।
यस्तै आजको बैठकले केन्द्रीय सदस्य रमेश लेखकको संयोजकत्वमा गठित विधान मस्यौदा नियमावली समिति गठन गरेको छ। समितिका सदस्यहरुमा इश्वरी न्यौपाने, प्रदिप पौडेल,। मिन विश्वकर्मा र जीवन परियार रहेका छन् ।
प्रतिक्रिया