भोजपुरमा प्रहरी र विप्लव समूहका कार्यकर्ताबीच दोहोरो भीडन्त भएको छ । भोजपुरको ट्याम्के मैयुम गाउँपालिका १ स्थित मैयुमडाँडास्थित जंगलमा प्रहरी र विप्लव समूहका कार्यकर्ताबीच गोली हानाहान भएको हो ।
जंगलमा थुपै्र हतियारधारी समूह लुकेको भन्ने सूचनाका आधारमा प्रहरीले सो क्षेत्रमा अप्रेशन चलाएको थियो । जंगलमा पुगेको प्रहरी टोलीमाथि उल्टै गोली प्रहार भएपछि प्रहरीले जवाफी फायर गरेको जनाएको छ ।
जवाफी फायरका क्रममा सो समूहका एक कार्यकर्ता घाइते भएका छन् । उनी भोजपुरका ३२ वर्षीय तिर्थराज घिमिरे रहेको समेत प्रहरीले जनाएको छ । उनलाई प्रहरीले नियन्त्रणमा लिएको छ ।
यो पनि पढ्नुहोस्
अदालतबाट छुटेलगत्तै विप्लव समूह परित्याग घोषणा
नेकपा विप्लव समुहकी रुपन्देही नेतृ कल्पना सुवेदीले सो पार्टी परित्याग गरेको घोषणा गरेकी छिन् । आइतवार एक प्रेस विज्ञप्ती जारी गर्दै उनले विगतमा आफु त्यो पार्टीमा समर्पित भएर काम गरे पनि अबका दिनका पार्टी परित्याग गरेको जनाएकी छन् ।
विप्लव नेतृत्वको नेकपा अन्तर्गत अखिल नेपाल महिला संगठनकी केन्द्रीय सदस्य तथा रुपन्देही अध्यक्षको जिम्मेवारीमा रहेकी सुवेदीले प्रेस बिज्ञप्ति मार्फत सवै पदबाट राजीनामा दिएको घोषणा समेत गरेकी छन् । उनले पारिवारिक तथा कमजोर स्वास्थ्यका कारण सो पार्टीमा रहेर काम गर्न नसक्ने भएकाले आफुले राजीनामा दिएको समेत बताएकी छन् ।
विप्लव माओवादी भएको भन्दै प्रहरीले समेत पक्राउ गरी अदालतबाट धरौटीमा रिहा भएकी सुवेदीले अबका दिनमा स्वतन्त्र रुपमा आफु बाच्ँन चाहेकाले राजीनामा दिएको बताइन् ।
प्रतिक्रिया