Logo

राजनीति

राप्रपाको नवौँ उपाध्यक्ष भएपछि दिलविकासले लगाए श्रीपेच !



काठमाडौं । राजावादी पार्टी राप्रपाको उपाध्यक्षमा मनोनीत भएका दिलविकास राजभण्डारीले श्रीपेच लगाएको तस्बिले पार्टीभित्र चर्चाको विषय बनेको छ ।

हालै मात्रै अध्यक्ष राजेन्द्र लिङ्देनले राजभण्डारीलाई पार्टीको नवौँ उपाध्यक्षका रुपमा मनोनीत गरेका थिए ।

उपाध्यक्षमा मनोनीत भएसँगै भण्डारीले श्रीपेच लगाएको तस्बिर सामाजिक सञ्जालमार्फत सार्वजनिक भएको हो । भण्डारीले साथीको घरमा गएको बेला श्रीपेच देखेपछि कुरैकुरामा लगाएको र त्यही तस्बिर अहिले सामाजिक सञ्जालमा आएको बताए ।

उनले आफूले लगाएको उक्त श्रीपेच राणाहरुले प्रयोग गर्ने पुरानो श्रीपेच भएको भन्दै यो ठूलो विषय नभएको बताए । आफूलाई राजा बन्न इच्छा भएर वा अरु कुनै सन्देश दिनका लागि उक्त श्रीपेच नलगाएको उनको भनाइ छ । ‘साथीको घरमा जाँदा श्रीपेच रहेछ, त्यही लगाएको भिडियो कसैले फेसबुकमा हालिदिएको छ’, उनले बताए ।

प्रकाशित मिति : २५ श्रावण २०८०, बिहीबार १२:१८   :  बजे

69
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।