Logo

प्रदेश

‘जनयुद्ध’ र जनआन्दोलनका घाइतेहरुलाई राख्न लुम्बिनीमा स्याहार केन्द्र बनाइने



काठमाडौं । ‘जनयुद्ध’ र जनआन्दोलनका घाइतेहरुलाई राख्न लुम्बिनीमा स्याहार केन्द्र बनाइने भएको छ ।

स्याहार केन्द्र बनाउनका लागि प्रदेश सरकारले जग्गाकाे खोजी सुरू गरिसकेको छ ।

प्रदेशस्तरीय स्याहार केन्द्र स्थापनाका लागि राप्ती गाउँपालिकाभित्रै जग्गा खोजी गरिराखिएको लुम्बिनीका अर्थमन्त्री धनबहादुर मास्कीले जानकारी दिए । स्याहार केन्द्रका लागि करिब २० विघा जग्गा खोजी भइरहेको छ ।

जग्गा प्राप्त हुनासाथ स्याहार केन्द्र स्थापनाको प्रक्रिया सुरू हुने उनले बताए । घाइते र उनका परिवारलाई जीवनयापनमा समस्या रहेको हुँदा उनीहरुलाई एउटै स्थानमा राखेर स्याहार गर्न केन्द्र बनाउन लागिएको उनको भनाइ छ ।

स्याहार केन्द्र स्थापना गर्न प्रदेश सरकारले दुई करोड रुपैयाँ विनियोजन गरेको छ ।

प्रकाशित मिति : १७ कार्तिक २०८०, शुक्रबार ११:२६   :  बजे

39
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।