Logo

अर्थ

बैंकहरुमा ३ अर्ब १४ करोड लगानी गर्दै राष्ट्र बैंक



काठमाडौं । नेपाल राष्ट्र बैंकले बैंकहरुको मुद्दति निक्षेपमा ३ अर्ब १४ करोड रुपैयाँ बढी लगानी गर्ने भएको छ ।

केन्द्रीय बैंकले आज एक सूचना प्रकाशित गरी राष्ट्र बैंकको विभिन्न कोषमा रहेको कुल ३ अर्ब १४ करोड २ लाख रुपैयाँ बैंकहरुको मुद्दति निक्षेपमा लगानी गर्न लागिएको जानकारी गराएको हो ।

यसका लागि जेठ २२ गते राति १२ बजेसम्म ब्याजदर प्रस्ताव गर्न राष्ट्र बैंकले बैंकहरुलाई आह्वान गरेको छ ।

कुल रकममध्ये राष्ट्र बैंकले वाणिज्य बैंकमा २ अर्ब ५१ करोड २२ लाख रुपैयाँ, राष्ट्रियस्तरका विकास बैंकमा ४७ करोड १० लाख रुपैयाँ र राष्ट्रियस्तरका वित्त कम्पनीमा १५ करोड ७० लाख रुपैयाँ मुद्दति निक्षेपका रुपमा लगानी गर्नेछ ।

प्रकाशित मिति : २० जेष्ठ २०८२, मंगलवार १६:०१   :  बजे

39
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।