काठमाडौं । विश्व बाल दिवसको अवसरमा, गोल्यान ग्रुपले बिहीबार गेन्जी सहिद परिवारका बालबालिकाका लागि ‘किड्स प्ले-डेट’ कार्यक्रम आयोजना गरेको थियो । धुम्बारहिको अप्स नेपाल फनपार्कमा आयोजित कार्यक्रममा सहिद परिवारका बालबालिका र उनीहरूका अभिभावक सहभागी थिए ।
गोल्यान ग्रुपले गत अगस्ट २४मा सहिद परिवारका बालबालिकाका लागि शैक्षिक छात्रवृत्ति योजना घोषणा गरेको थियो । योजना अन्तर्गत हालसम्म कक्षा १२ सम्मका २७ बालबालिकाको शैक्षिक खर्च व्यहोर्ने गरी अभिभावकसँग समझदारी भएको छ ।
शैक्षिक करियर योजना, समेल काठमाडौंमा बसोबास गर्ने सहिद परिवारका बालबालिका र अभिभावकहरूले बिहीबार कार्यक्रममा भाग लिएका थिए । बालबालिकाहरूले अप्सको फनपार्कमा विभिन्न मनोरञ्जनात्मक र बौद्धिक खेलहरू खेलेर रमाइलो गरे ।
कार्यक्रममा गोल्यान ग्रुपका प्रबन्ध निर्देशक अक्षय गोल्यानले ‘नयाँ परिवार’का सदस्यहरूबीच परिचय आदानप्रदान गर्ने उद्देश्यले भेला आयोजना गरिएको बताए । उनले भने, “हाम्रो नयाँ परिवार, साझा प्रतिबद्धता र उद्देश्यले एकताबद्ध, एउटा यस्तो परिवार हो जहाँ प्रत्येक बालबालिकाको अधिकारको सम्मान, मूल्य र संरक्षण गरिन्छ ।” उनले भने कि बालबालिका र विकासको हितमा मात्र देशको समृद्धि सम्भव छ, त्यसैले उनीहरूको स्वतन्त्रता, खुशी र अवसरको अधिकार सुनिश्चित गरिनुपर्छ ।
गोलयान ग्रुपकी कर्पोरेट मामिला तथा सञ्चार प्रमुख ज्योति गहरेलेले विश्व बाल दिवसको अवसरमा बालबालिकाको अधिकारको सम्मान र संरक्षण गर्न कार्यक्रम आयोजना गरिएको बताइन् । “बालबालिकाको खुशीले उनीहरूको विकासका सबै आयामहरूलाई जोड्छ, समाजको समृद्धिको बाटो पनि यसैबाट सुरु हुन्छ,” उनले भनिन्, “यसैले आज किड्स प्लेडेट आयोजना गरिएको हो।”
गोल्यान ग्रुपले गेन्जी सहिद परिवारका बालबालिकालाई कक्षा १२ सम्म शैक्षिक छात्रवृत्ति प्रदान गर्ने घोषणा गरेको थियो। पहिलो चरणमा अभिभावकहरूसँग सम्झौतापत्रमा हस्ताक्षर भएको छ भने दोस्रो चरणमा विद्यालय, अभिभावक र गोल्यान ग्रुपबीच त्रिपक्षीय सम्झौता गर्ने प्रक्रिया सुरु भएको छ।




















प्रतिक्रिया