Logo

अर्थ

युनिक प्लास्टिक उद्योगले आईपीओ निष्काशन गर्ने, बिक्री प्रबन्धकमा नेपाल लाइफ क्यापिटल



काठमाडौं । युनिक प्लास्टिक उद्योग लिमिटेडले जारी पूँजीको २० प्रतिशत हुन आउने रकम बराबरको प्राथमिक सेयर निष्काशन (आइपीओ) गर्ने भएको छ ।

हेटौंडा उपमहानगरपालिका वडा नं. ८ स्थित औद्यौगिक क्षेत्रमा रहेको उक्त कम्पनीले प्रतिशेयर अंकित मूल्य  १०० मा आइपीओ निष्काशन गर्ने तयारी गरेको हो ।

कम्पनीले ७ लाख ५० हजार कित्ता शेयर निष्काशन गर्नका लागि निष्काशन तथा बिक्री प्रबन्धकमा नेपाल लाइफ क्यापिटल लिमिटेडलाई नियुक्त गरेको छ ।

सम्झौता पत्रमा युनिक प्लास्टिक उद्योग लिमिटेडका तर्फबाट अध्यक्ष हरिबहादुर बस्नेत तथा नेपाल लाइफ क्यापिटल लिमिटेडका तर्फबाट प्रमुख कार्यकारी अधिकृत मनिष घिमिरे हस्ताक्षर गरे ।

प्रकाशित मिति : ९ पुष २०८२, बुधबार १६:४३   :  बजे

33
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।