सर्लाही–४ मा गगन थापासँग अग्रता बढाउँदै रास्वपाका अमरेश

सर्लाही । प्रतिनिधि सभा निर्वाचन अन्तर्गत सर्वत्र चासोका साथ हेरिएको सर्लाही क्षेत्र नम्बर ४ मा राष्ट्रिय स्वतन्त्र पार्टीका अमरेश कुमार सिंहले निरन्तर अग्रता लिएका छन् ।

मत गणनाको पछिल्लो विवरण अनुसार अमरेशले दुई हजार ८४७ मत प्राप्त गर्दै अग्रता लिँदा दोस्रो स्थानमा रहेका कांग्रेसका उम्मेदवार गगन कुमार थापाले एक हजार ७१४ मत प्राप्त गरेका छन् । अमरेशसँग गगन थापा एक हजारभन्दा बढी मतले पछि परेका छन् ।

सो निर्वाचन क्षेत्रमा नेकपा एमालेका अमनिश कुमार यादवले ४१० मत प्राप्त गरेका छन् । यस्तै, जनमत पार्टीका राकेश कुमार मिश्रले २६७ मत पाएका छन् ।

यहाँ नेपाली कम्युनिस्ट पार्टीका रजनिस रायले १२८, स्वतन्त्र उम्मेदवार सचित्र सहनीले ४०, उज्यालो नेपाल पार्टीका पीताम्बर सिंह कुशवाहाले १८ मत पाएका छन् ।