काठमाडौँ । जनता समाजवादी पार्टी नेपालका अध्यक्ष उपेन्द्र यादवले आफ्नो निर्वाचन खर्च सार्वजनिक गरेका छन् । उनले सार्वजनिक गरेको चुनावी खर्च नौ लाख ८९ हजार ५०२ रुपैयाँ ३७ पैसा रहेको छ ।
सप्तरी–३ बाट चुनावमा पराजित भएका अध्यक्ष यादव १५ हजार २३९ मत ल्याएर राष्ट्रिय स्वतन्त्र पार्टीका अमरकान्त चौधरीबाट पराजित भएका हुन् । आमकान्त चौधरीले ३२ हजार ८७५ मत ल्याएका छन् ।
जसपा नेपालका अध्यक्ष यादवले मनोनयन दर्तामा १० हजार, प्रचार प्रसारमा चार लाख ३९ हजार ६४० रुपैयाँ ६ पैसा खर्च गरेका छन् ।
त्यस्तै, मतदाता सूची प्रिन्टका लागि अध्यक्ष यादवले ५१ हजार ८४४ रुपैयाँ ४० पैसा खर्च गरेका छन् । गाडी भाडामा उनले एक लाख ५५ हजार रुपैयाँ खर्च गरेका छन् भने सम्पर्क कार्यालयका लागि ६० हजार रुपैयाँ खर्च गरेका छन् ।
इन्धनमा एक लाख ५० हजार १७ हजार रुपैयाँ ९७ पैसा खर्च गरेका छन् भने कार्यकर्ता प्रशिक्षणमा एक लाख २३ हजार रुपैयाँ उनले खर्च गरेका छन् । उनको सो खर्च विवरणको पत्र सुभाषकुमार यादवले निर्वाचन आयोगमा दर्ता गराएका छन् ।
प्रतिक्रिया