काठमाडौं । नेपाली क्रिकेट टोलीका दीपेन्द्र सिंह ऐरी आइसिसीले जारी गरेको एकदिवसीय अलराउन्डर वरीयतामा २२औं स्थानमा रहेका छन् ।
आईसीसीले सार्वजनिक गरेको नयाँ वरीयताअनुसार नेपालका सन्दीप लामिछाने ६१औं स्थानमा यथावत् रहँदा ललित नारायण राजवंशी दुई स्थान तल झर्दै ६६औं स्थानमा पुगेका छन् ।
त्यस्तै गुल्सन झा एक स्थान सुधार गर्दै ७२औं स्थानमा उक्लिएका छन् भने करण केसी तीन स्थान खस्किँदै ९०औं स्थानमा पुगेका छन् । ओडिआई ब्याटिङ वरीयतामा नेपालका आशिफ शेख ७७औं, दीपेन्द्र सिंह ऐरी ८२औं, कुशल भुर्तेल ९५औं र कप्तान रोहित पौडेल ९९औं स्थानमा रहेका छन् ।
ओडिआई बलिङ वरीयतामा सन्दीप लामिछाने एक स्थान तल झर्दै ३१औं स्थानमा पुगेका छन् भने ललित नारायण राजवंशी पनि एक स्थान तल झर्दै ४६औं स्थानमा रहेका छन् । टी–२० अन्तर्राष्ट्रिय बलिङ वरीयतामा सन्दीप ४९औं स्थानमा यथावत् छन् । टी–२० अन्तर्राष्ट्रिय ब्याटिङतर्फ कुशल भुर्तेल एक स्थान तल झर्दै ५५औं स्थानमा पुगेका छन् ।
हाल नेपाली क्रिकेट टोली आईसीसी ओडिआई टोली वरीयतामा १७औं तथा टी–२० अन्तर्राष्ट्रिय टोली वरीयतामा १५औं स्थानमा रहेको छ ।
प्रतिक्रिया