काठमाडाैं । नेपाल एसबिआई बैंक लिमिटेडको सञ्चालक समितिमा ध्रुवप्रसाद अधिकारी नियुक्त भएका छन् । बैंकले सुबोधप्रसाद गौतमलाई स्वतन्त्र सञ्चालकमा नियुक्त गरेको छ ।
बैंकको संस्थागत सेयरधनीका रूपमा रहेको कर्मचारी सञ्चय कोषको प्रतिनिधित्व गर्दै सञ्चालक समितिमा रहने गरी अधिकारीलाई मनोनयन गरिएको थियो । कोषको मनोनयनका आधारमा बैंकको भदौ १८ गते सम्पन्न ५५०औँ सञ्चालक समिति बैठकले अधिकारीलाई सञ्चालक पदमा नियुक्त गर्ने निर्णय गरेको हो ।
त्यसैगरी, सोही बैठकले सुबोधप्रसाद गौतमलाई भदौ १८ गतेदेखि लागू हुने गरी चार वर्षका लागि स्वतन्त्र सञ्चालक पदमा नियुक्त गरेको बैंकले जनाएको छ ।
प्रतिक्रिया