Logo

प्रमुख समाचार

नेपालमा १२ वर्ष माथिका किशोरकिशोरीलाई फाइजर खोप लगाउने तयारी



नेपालमा १२ वर्षभन्दा माथिका किशोर किशोरीलाई यहि कार्तिक २८ गतेबाट कोरोनाविरुद्धको फाइजर खोप लगाइने भएको छ । परिवार कल्याण महाशाखाका अनुसार १२ वर्षमाथिका दीर्घ रोगका बिरामीलाई उक्त खोप लगाइने भएको हो ।

महाशाखाको बाल स्वास्थ्य तथा खोप शाखा प्रमुख सागर दाहालका अनुसार अस्पतालमा उपचाररत क्यान्सर, मुटु, मधुमेह, दम, एचआईभी लगायतका रोग प्रतिरोधात्मक क्षमता कम भएका व्यक्तिहरुलाई खोपको पहिलो प्राथमिकतामा राखिएको छ ।

फाइजरको एक लाख डोज खोप सोमबार गाभीले नेपाल ल्याउने तयारी गरिरहेको छ । उक्त खोप माइनस ७० डिग्रीमा भण्डारण गर्नुपर्ने भएकाले तत्काल लगाउन लागिएको हो । मुलुकका २४ वटा अस्पतालबाट फाइजर खोप लगाइने भएको छ ।

यसैबीच, अमेरिकी खोप उत्पादक कम्पनी फाइजर बायोएनटेकले फाइजर खोपको बुस्टर डोज (तेस्रो मात्रा) लगाउँदा कोभिड–१९ संक्रमणबाट बच्ने सम्भावना ९५ प्रतिशत रहेको जनाएको छ । कम्पनीले बिहीबार विज्ञप्ती जारी गर्दै १६ वर्षमाथिका १० हजारमा गरिएको परीक्षणको नतिजाबाट यो तथ्य आएको बताएको छ ।

कम्पनीका अनुसार दोस्रो डोज लगाउँदा ८४ प्रतिशत र बुस्टर डोज डोज लगाउँदा ९५.६ प्रतिशत सुरक्षित हुने परीक्षणले देखाएको छ ।

प्रकाशित मिति : कार्तिक ५, २०७८ शुक्रबार  २ : २६ बजे

138
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।