आईतबार सुन र चाँदी दुवै घातुको मूल्य बढ्यो, कतिमा हुँदैछ कारोबार ? 

आईतबार नेपाली बजारमा सुन र चाँदी दुवै घातुको मूल्य बढेको छ । शुक्रबार ५ सय रुपैयाँले घटेको सुनको मूल्य आईतबार पुनः ५ सय रुपैयाँले बढेर छापावाल सुन ८७ हजार २ सय रुपैयाँ प्रतितोलामा कारोबार भइरहेको छ । 

त्यस्तै तेजाबी सुन पनि आईतबार ५ सय रुपैयाँले बढेर ८६ हजार ७ सय ५० रुपैयाँ प्रतितोलामा कारोबार भइरहेको छ । 

शुक्रबार १५ रुपैयाँले घटेको चाँदीको मूल्य आईतबार भने ५ रुपैयाँले बढेर १२ सय ८० रुपैयाँ प्रतितोलामा कारोबार भइरहेको नेपाल सुनचाँदी व्यवसायी महासंघले जनाएको छ ।