सुनको मूल्य बढ्यो, प्रतितोला कति ?

नेपाली बजारमा आज सुनचाँदीको मूल्य बढेको छ । बिहीबारको तुलनामा शुक्रबार सुन ९ सय र चाँदी २० रुपैयाँले बढेको हो ।

बिहीबार ८९ हजार रुपैयाँमा कारोबार भएको छापावाला सुन आज शुक्रबार ९ सयले बढेर ८९ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ८९ हजार ४५० रुपैयाँमा कारोबार भइरहेको छ । चाँदी पनि आज २० रुपैयाँले बढेर प्रतितोला १ हजार २८० रुपैयाँमा कारोबार भइरहेको महासंघले जनाएको छ ।