बारामा दुई कोरोना संक्रमितको निधन

बाराका दुई जना कोरोना संक्रमितहरुको उपचारको क्रममा निधन भएको छ। मृत्यु हुनेमा बाराको बिश्रामपुर गाउँपालिका ५ निवासी ४५ वर्षका पुरुष र महागढिमाई नगरपालिका ८ धर्मपुर बस्ने ५६ वर्षीया महिला छन ।

वीरगञ्जको नारायणी अस्पतालमा बिहान साढे १ बजे  पुरुषको उपचारको क्रममा शनिबार बिहान मृत्यु भएको हो। त्यस्तै, श्वास प्रश्वास समस्या भई उपचारको लागी वीरगञ्जको भवानी अस्पतालमा भर्ना भएकी महिलाको पनि उपचारको क्रममा शुक्रबार राति सवा ९ बजे मृत्यु भएको बाराका प्रहरी प्रवक्ता एवम् प्रहरी नायब उपरीक्षक गौतम मिश्रले जानकारी दिए।