मोरङ । मोरङमा घरायसी विवाद हुँदा चिर्पट प्रहार गरी आफ्नै आमाको हत्याको आरोपमा एकजना पक्राउ परेका छन् ।
इलाका प्रहरी कार्यालय उर्लाबारीले दिएको जानकारीअनुसार मोरङ उर्लाबारी नगरपालिका ४ आइतबारे बस्ने ३५ वर्षीय गंगा प्रसाद भण्डारीले आफ्नै आमालाई चिर्पट प्रहार गरी हत्या गरेका हुन् ।
प्रहरीका अनुसार आइतबार दिउँसो साढे ४ बजे घरायसी विवाद कारण ७० वर्षीया चन्द्रमाया भण्डारीलाई दाउराको चिर्पट प्रहार गरेका थिए ।
चिर्पट प्रहारबाट गम्भीर घाइते भएकी चन्द्रमायाको मदन भण्डारी अस्पताल तथा ट्रमा सेन्टर मंगलबारेमा उपचारको राती साढे १० बजे मृत्यु भएको हो । हत्या गर्ने गंगा प्रासादलाई प्रहरीले नियन्त्रणमा लिई कानुनी प्रकृया अगाडि बढाएको छ।
प्रतिक्रिया