कोरोना अपडेट : २ हजार ४२१ संक्रमित, मृतकको संख्या हिजाे भन्दा दोब्बर

पछिल्लो २४ घण्टामा २ हजार ४२१ कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयले जनाएअनुसार देशभरका विभिन्‍न प्रयोगशालामा गरिएको ७ हजार ४६१ जनाको पीसीआर परीक्षणबाट १ हजार ५११  र ४ हजार ९५३ जनाको एन्टिजेन विधिबाट गरिएको परीक्षणमा ९१० जना गरी  २ हजार ४२१  जना कोरोना संक्रमित थपिएका हुन् ।

पछिल्लो २४ घण्टामा थप ८१ जना कोरोना संक्रमितको मृत्यु भएको छ । यो सँख्या हिजोको तुलनामा दोब्बर बराबर हो । हिजो कोरोना संक्रमणबाट ४१ जनाको मृत्यु भएको थियो ।

पछिल्लो २४ घण्टामा देशभरबाट तीन हजार ५५८ जना संक्रमणमुक्त भएका छन् ।