सरकारले आजदेखि उपत्याकामा ‘रात्री निशेधाज्ञा’ आदेश जारी गरेको छ । कोरोना संक्रमित र मृतकको समेत संख्या दिनानुदिन बढ्न थालेपछि यसलाई नियन्त्रण गर्न बेलुका ८ बजेदेखि सम्पूर्ण सवारी साधन सञ्चालनमा रोक लगाउने निर्णय भएको हो ।
गत मंगलबार बसेको उपत्यकाका तीन जिल्लाका प्रमुख जिल्ला अधिकारीहरूको बैठकले निषेधाज्ञा भदौ ८ गतेसम्म थप गर्दै राति ८ बजेपछि सबै प्रकारका सवारी साधन चलाउन रोक लगाउने निर्णय गरेको थियो । ८ बजेदेखि सवारीमा रोक लगाउनेभन्दा पनि त्यो समयसम्ममा चाहीं सबैजना गन्तव्यमा पुगीसकौं भन्ने सन्देश दिन खाजिएको जिल्ला प्रशासन कार्यालय काठमाडौंकी सहायक प्रमुख जिल्ला अधिकारी तथा सूचना अधिकारी कल्पना घिमिरेको भनाइ रहेको छ ।
‘राती ८ बजेसम्ममा सबैजना आ–आफ्नो गन्तव्यमा पुगौं भन्ने हाम्रो आग्रह हो । ८ बजेदेखि यति बजेसम्म यातायातमा रोक भन्ने केही होईन । अत्यावश्यक काम नपरी कोही पनि बाहिर ननिस्कौं भन्ने हो । अत्यावश्यक सवारी साधन सञ्चालनमा कुनै अवरोध हुने छैन ।’ – घिमिरेले भनिन् ।
दोश्रो चरणको कोरोना लहर फैलिएपछि सरकारले गत बैशाख १६ गतेदेखि लागू हुने गरी देशभर निशेधाज्ञा आदेश जारी गरेको थियो । कतिपय ठाउँमा निशेधाज्ञा पूर्ण रुपमा हटाइएको छ भने कतिपय ठाउँमा अझै पनि पूर्ण लकडाउन गरी स्थानीय नाकाहरु सिल समेत गरिएको छ ।
उपत्याकामा विद्यालय, सिनेमाघर, पार्टीप्यालेस लगायतका क्षेत्रहरु बन्द रहे पनि अन्य गतिविधि खुल्ला गरी निशेधाज्ञा जारी थियो । तथापी बिहीबारबाट भने रातमा सवारी आवागमनमा रोक लगाईएको छ ।
प्रतिक्रिया