Logo

प्रमुख समाचार

काठमाडौं–२ बाट स्वतन्त्र चुनाव लड्ने कानुन व्यवसायी अधिकारीको घोषणा



काठमाडौं । कानुन व्यवसायी प्रकाश अधिकारीले काठमाडौं–२ बाट प्रतिनिधिसभा चुनाव लड्ने घोषणा गरेका छन् । उनले आगामी मंसिर ४ मा हुने प्रतिनिधिसभा चुनावमा स्वतन्त्र उम्मेदवारी दिने घोषणा गरेका हुन् ।

अधिकारीले मूलधारका राजनीतिक दलले निराशाजनक कार्यसम्पादन गरेको भन्दै स्वतन्त्र उम्मेदवारी घोषणा गरेको बताएका छन् । यस क्षेत्रबाट नेकपा एमालेले मणिराम फुयाँललाई अघि सारेको छ भने माओवादी केन्द्रबाट पूर्व सभामुख समेत रहेकी ओनसरी घर्तीको चर्चा छ ।

कांग्रेस क्षेत्रीय सभापति कविर शर्मा फुँयाल, महाधिवेशन प्रतिनिधि दिपक प्रसाद कुइँकेल, मनिष कोइराला र लोकेश ढकाल सिफारिस भएका छन् । यी नै प्रमुख राजनीतिक दलका उम्मेदवारहरुसँग अधिकारीले चुनाव लड्ने घोषणा गरेका हुन् ।

प्रकाशित मिति : आश्विन ४, २०७९ मंगलबार  ३ : ०१ बजे

18
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।