मकवानपुरकी अनुसँग विवाह बन्धनमा बाँधिए अभिनेता बुद्धि तामाङ

काठमाडौं । अभिनेता बुद्धि तामाङ मकवानपुरकी अनु थिङसँग विवाह बन्धनमा बाँधिएका छन् । भक्तपुर कौशलटारको एक पार्टी प्यालेसमा आज (शुक्रबार) तामाङ परम्पराअनुसार विवाह भएको हो ।

विवाहमा दुवै पक्षका परिवारका सदस्यहरु, उनका साथीभाइ तथा कलाकारहरुको उपस्थिति छ । अभिनेता तामाङले मागी विवाह गरेका हुन् ।

३० वर्षीया थिङ स्नातक अध्ययनरत विद्यार्थी समेत हुन् । परिवारकै माध्यमबाट उनीहरुको भेट भएको अभिनेता तामाङले बताएका छन् ।