काठमाडौं । राष्ट्रिय प्रजातन्त्र पार्टी (राप्रपा)का नेता पशुपति शमशेर राणाले ठूला पार्टीका नेताहरुले देशमा गरिरहेको ब्रम्हलुटको अन्त्य गर्न जरुरी रहेको बताएका छन् ।
बुधबार काठमाडौंमा भएको रवीन्द्र मिश्र समूहसँगको पार्टी एकता सभामा बोल्दै उनले भने, ‘म ८१ वर्षको मान्छेसमेत मिलेर ठूला पार्टीका नेताको ब्रम्हलुट अन्त्य गर्नुपर्छ । अति भयो यो पटकको चुनाव अरु बेलाको जस्तो होइन साँच्चिकै चुनाव हुनेछ । फेरबदल गरेरै छाड्ने हो ।’
नेता राणाले आगामी निर्वाचनमार्फत जनमत बटुलेर राप्रपाले विकासको अभियान छेड्नुपर्ने बताए । उनले यो मुलुकलाई उज्यालोतर्फ लैजान सिंगो राप्रपा लाग्ने भन्दै पार्टीका दुईजना युवा नेतासँगै देश बनाउन आफु पनि हिँड्न तयार रहेको बताए ।
प्रतिक्रिया