काठमाडौं । दस दलीय सत्ता गठबन्धनको मुख्य साझेदार कांग्रेस कोटाबाट नवनियुक्त तीन मन्त्रीको शपथ ग्रहण आज हुने भएको छ ।
कांग्रेसबाट मन्त्रीमा नियुक्त भएका धनराज गुरुङ, मोहन बस्नेत र डिगबहादुर लिम्बूलाई राष्ट्रपति रामचन्द्र पौडेलले शीतल निवासमा शपथ गराउन लागेका हुन् ।
नवनियुक्त मन्त्रीत्रयको शपथ समारोह आज दिउँसो ३ बजे हुने राष्ट्रपति कार्यालयले जनाएको छ ।
प्रधानमन्त्री पुष्पकमल दाहाल प्रचण्डले बुधबार गुरुङलाई कानुन, बस्नेतलाई स्वास्थ्य र लिम्बूलाई युवा तथा खेलकुद मन्त्रीमा नियुक्त गरेका थिए। यसअघि कानुन मन्त्रालयको जिम्मेवारी रक्षा मन्त्रीसमेत रहेका पूर्णबहादुर खड्काले सम्हालेका थिए ।
प्रतिक्रिया