Logo

अर्थ

सेयर बजारमा सामान्य सुधार, ३ अर्बमाथिको कारोबार



काठमाडौं । बिहीबार सेयर बजारमा सामान्य सुधार आएको छ ।

यसदिन सेयर बजार कारोबार मापक नेप्से परिसूचक ४.७५ अंकले बढेको हो । योसँगै नेप्से परिसूचक २०५५.५३ को विन्दुमा उक्लिएको छ ।

राम्रा र बलिया कम्पनीको सूचक सेन्सेटिभ इन्डेक्स भने ०.३० अंकले घटेर ३८५.८१ को विन्दुमा झरेको छ । कारोबार रकम करिब साढे ३ अर्ब रुपैयाँको भएको छ ।

आज नेप्से उपसमूहमा रहेमा १३ वटा समूहमध्ये ४ वटामा हरियाली छाएको छ भने ९ वटामा रातो पोतिएको छ । आज नेप्सेमा सूचीकृतमध्ये २७६ कम्पनीका ८० लाख ८ हजार २४६ कित्ता सेयर ३ अर्ब ४४ करोड ४८ लाख ६२ हजार ५०१ रुपैयाँमा किनबेच भएका छन् ।

यो दिन होटेल तथा पर्यटन समूह सर्वाधिक ८.६५ प्रतिशतले उकालो लागेको छ । जीवन बीमा समूह ३.२४ प्रतिशतले बढ्दा निर्जीवन बीमा समूहमा २.७७ प्रतिशत र अन्य समूहमा ०.७४ प्रतिशतको बढोत्तरी भएको छ ।

आज जलविद्युत समूह सर्वाधिक १.६० प्रतिशतले ओरालो लागेको छ । म्युचुअल फन्ड समूह १.१५ प्रतिशतले घट्दा बैंकिङ समूहमा ०.५७ प्रतिशत, विकास बैंक समूहमा ०.६२ प्रतिशत, वित्त समूहमा ०.२६ प्रतिशत, लगानी समूहमा ०.३७ प्रतिशत, उत्पादन तथा प्रशोधन समूहमा ०.४२ प्रतिशत, लघुवित्त समूहमा ०.६६ प्रतिशत र व्यापार समूहमा ०.३१ प्रतिशतको गिरावट आएको छ ।

प्रकाशित मिति : ७ असार २०८०, बिहीबार १६:१८   :  बजे

27
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।