काठमाडौं । नेकपा (एकीकृत समाजवादी) पार्टीको विदेश विभागको निमन्त्रणामा रसियन कम्युनिस्ट पार्टी (सीपीसीआर)को प्रतिनिधि मण्डल साताव्यापी भ्रमणका लागि काठमाडौं आइपुगेको छ ।
सीपीसीआरका अध्यक्ष तथा साइबेरिया क्षेत्रीय संसद सदस्य कमरेड सर्गेई मालिन्कोवीचको नेतृत्वमा नेपाल भ्रमणमा आएको प्रतिनिधि मण्डलले एकीकृत समाजवादीका पार्टी अध्यक्ष माधवकुमार नेपाल र झलनाथ खनाल लगायतका शीर्ष नेताहरुसँग भेट गर्ने कार्यक्रम रहेको पार्टी विदेश विभाग सचिव डा. शंकर खतिवडाले बताए ।
साथै, अन्य कम्युनिस्ट पार्टीका शीर्ष नेताहरूसँग समेत भेटघाट गर्नेछ ।
प्रतिनिधि मण्डलले काठमाडौं उपत्यकामा रहेका विभिन्न धार्मिक तथा सांस्कृतिक महत्त्वका पर्यटकीय क्षेत्रको भ्रमण गर्नेछ । साथै, पर्यटकीय नगरी पोखराको दुई दिने भ्रमण गर्नेछ । मङ्सिर ५ गते टोली मस्को फर्कनेछ ।
प्रतिक्रिया