ईसेवाको रकम एनआईसी एसिया बैंकको एटीएमबाट निकाल्न सकिने, यस्तो छ प्रक्रिया

काठमाडौं । डिजिटल वालेट ईसेवामा रहेको रकम अब एनआईसी एसिया बैंकको एटीएमबाट निकाल्न सकिने भएको छ । यसअघि एभरेष्ट बैंकमार्फत मात्रै प्रदान गर्दै आएको यो सुविधा इसेवाले एनआईसी एशियामा पनि विस्तार गरेको जानकारी दिएको हो ।

यससँगै अब ईसेवाका प्रयोगकर्ताले दैनिक पाँच पटकसम्म ५ हजार रुपैयाँका दरले पैसा निकाल्न सक्नेछन् । त्यस्तै, मासिक रूपमा ५० पटकसम्म बढीमा २५ हजार रुपैयाँ निकाल्न सकिने बैंकले जनाएकाे छ ।

एनआईसी एसिया बैंकको एटीएमबाट कसरी निकाल्ने ईसेवाको पैसा ?

– सबैभन्दा पहिले ईसेवा एप खोल्नुहोस् ।

– त्यसपछि होमपेजमा रहेको ‘एटीएम विथड्र’ (ATM Withdraw) को अप्सन छान्नुहोस् ।

– अनि एनआईसी एसिया बैंकको नाम छान्नुहोस् ।

– यति गरेपछि आफूले निकाल्न चाहेको रकम टाइप गर्नुहोस् (तर, ५०० को गुणन सङ्ख्या मात्र राख्न पाइन्छ । एक पटकमा पाँच हजारभन्दा बढी रकम निकाल्न मिल्दैन ) ।

– यति गरेपछि ‘पर्पोजमा गई किन निकाल्न लागेको भन्ने अप्सन छान्नुहोस् ।

– अनि रिमार्क लेखेर प्रोसिडको बटनमा ट्याप गर्नुहोस् ।

– यसपछि कन्फर्म (Confirm)को बटनमा ट्याप गर्नुहोस् । र, आफ्नो पीन नम्बर राखेर पुनः कन्फर्म (Confirm) को बटनमा ट्याप गर्नुहोस् । यति गरेपछि तपाईंको डिभाइसमा एउटा ओटीपी कोड आउँछ ।

– एनआईसी एसिया बैंकको एटीएम बुथमा जानुहोस्

– बैंकको एटीएमममा गइसकेपछि ‘कार्डलेस ट्रान्जेक्सनको अप्सनमा क्लिक गर्नुहोस् ।

– त्यसपछि आफ्नो मोबाइल नम्बर राख्नुहोस् ।

– र, एसएमएसमा आएको ओटीपी कोड राखी कन्फर्म गर्नुहोस् ।

यति गरेपछि तपाईंको ईसेवामा रहेको रकम एनआईसी एसिया बैंकको एटीएम मेसिनबाट निकाल्न सकिन्छ ।