काठमाडौं । काठमाडौं तथा धरानको भाटभटेनीमा मृत्यु भएका व्यक्तिहरू आफ्नो कर्मचारी नरहेको भाटभटेनी सुपरमार्केटले जनाएको छ ।
भाटभटेनीका विभिन्न स्टोरमा भएको आगजनीमा १० जनाको कंकाल फेला परेको थियो ।
भदौ २४ गते जेनजी प्रदर्शनका क्रममा देशभरका भाटभटेनीमा आक्रमण हुँदा काठमाडौंको चुच्चेपाटीमा ६ जना र धरानमा ४ जनाको मानव कंकाल फेला परेको थियो ।
उनीहरू सबैको जलेर मृत्यु भएको छ र उनीहरूको शव चिन्न सकिने अवस्थामा छैन । कतिपय शवको कंकाल मात्रै फेला परेको छ ।
यसैबिच भाटभटेनीले आफ्ना सबै कर्मचारीहरू सुरक्षित रहेको जनाएको छ ।
भाटभटेनीका प्रमुख सञ्चालन अधिकृत पनुदत्त पौडेलका अनुसार भाटभटेनीको भग्नावशेषमा फेला परेका कुनै पनि कंकाल कर्मचारीका होइनन् ।





















प्रतिक्रिया