Logo

अर्थ

राष्ट्रिय क्रिकेट टोलीका कप्तान पौडेल ओमोडा–जेकोका ब्रान्ड एम्बेसडर

रोहितले पाए एनपीएलमा जितेको कार



काठमाडौं । नेपालका लागि ओमोडा र जेको गाडीको आधिकारिक विक्रेता एसपीजी अटोमोबाइल्सले राष्ट्रिय क्रिकेट टोलीका कप्तान रोहित पौडेललाई आफ्नो नयाँ ब्राण्ड एम्बासडर घोषणा गरेको छ ।

पौडेलको कप्तानीमा हालै लुम्बिनी लायन्सले एनपीएल सिजन-२ को उपाधि जितेको थियो । प्रतियोगिताभरिको राेहितको अलराउन्ड प्रदर्शनका लागि रोहितलाई आधिकारिक रूपमा “इलेक्ट्रिफाइङ प्लेयर अफ द टूर्नामेन्ट” घोषित गरिएको थियो ।

यो उपलब्धिको सम्मान गर्दै एसपीजी अटोमोबाइल्सले पौडेललाई जे फाइभ ईभी गाडी प्रदान गरेको छ । साथै गाडीमा लाग्ने कर पनि कम्पनीले नै तिरिदिने भएको छ । कम्पनीले यसअघिका ब्राण्ड एम्बासडर दीपेन्द्र सिंह ऐरीलाई सम्मान पनि गरेको छ ।

दिपेन्द्र एनपीएलको पहिलो सिजनमा “इलेक्ट्रिफाइङ प्लेयर अफ द टूर्नामेन्ट” चुनिएदेखि नै ब्रान्डका लागि एक बलियो स्तम्भको रूपमा रहँदै आएका छन्।

‘रोहित र दिपेन्द्र दुवैले लचकता, नवीनता र नेतृत्वको भावना बोकेका छन् जुन ओमोडा र जेकोको मुख्य विशेषता हो,’ एसपीजी अटोमोबाइल्सका निर्देशक गौरव शारदाले भने, ‘नेपाली क्रिकेटका उत्कृष्ट प्रतिभाहरूलाई सबैभन्दा उन्नत विद्युतीय सवारी प्रविधिसँग जोडेर हामी साँच्चै च्याम्पियनहरूद्वारा सञ्चालित (Driven By Champions) भएका छौं।’

प्रकाशित मिति : ११ पुष २०८२, शुक्रबार १३:४४   :  बजे

33
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।