Logo

समाचार

मनमैजु क्षेत्रमा चितुवाको आक्रमणबाट दुई जना घाइते



काठमाडौँ । तारकेश्वर नगरपालिका-१० मनमैजु क्षेत्रमा आइतबार दिउँसो चितुवाको आक्रमणबाट दुई स्थानीय बासिन्दा घाइते भएका छन्। घटना मनमैजु मन्दिर नजिक करिब १ बजे भएको जनाइएको छ।

घाइते हुनेमा मनमैजु नासलचोक निवासी ६५ वर्षीय दुलाल महर्जन र ५५ वर्षीय मायानाथ वाग्ले रहेका छन्। महर्जनको टाउको तथा बाँया हातमा सामान्य चोट लागेको छ र उनको उपचार स्थानीय शुभम् अस्पताल मा भइरहेको छ।

वाग्लेको दाहिने कान र बाँया हातमा चोट लागेको छ भने उनको उपचार नेपाल आर्मी अस्पताल मा जारी रहेको जानकारी प्राप्त भएको छ।

आक्रमण गर्ने चितुवा मनमैजुस्थित ठुलो इनार नजिक अनोजमणी अधिकारीको घरभित्र प्रवेश गरेको अवस्थामा देखिएको थियो। घरभित्र वन्यजन्तु पसेपछि स्थानीयवासीले प्रहरीलाई जानकारी गराएका थिए।

सुरक्षा निकाय तथा सम्बन्धित निकायले चितुवा नियन्त्रण र थप जोखिम न्यूनीकरणका लागि आवश्यक पहल गरिरहेको जनाइएको छ।

प्रकाशित मिति : १० फाल्गुन २०८२, आईतवार २०:२४   :  बजे

9
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।