Logo

अर्थ

बैंकिङ प्रणालीबाट ११० अर्ब निक्षेप संकलन गर्दै राष्ट्र बैंक



काठमाडाैं । नेपाल राष्ट्र बैंकले बैंकिङ प्रणालीमा अत्यधिक तरलता व्यवस्थापन गर्ने उद्देश्यले आज ११० अर्ब रुपैयाँ निक्षेप संकलन गर्न लागेको छ। केन्द्रीय बैंकले उक्त रकम ८७ दिनको अल्पकालिन उपकरण निक्षेप संकलनमार्फत व्यवस्थापन गर्ने जनाएको छ।

राष्ट्र बैंकका अनुसार, इच्छुक बैंक तथा वित्तीय संस्थाले अनलाइन बिडिङ प्रणालीमार्फत आज मध्यान्ह ३ बजेसम्म बोलकबोल गर्न सक्नेछन्। आवेदन प्रक्रिया अनुसार, न्यूनतम आवेदन १० करोड रुपैयाँ र अधिकतम आवेदन ५ अर्ब रुपैयाँ हुने व्यवस्था रहेको छ। बाँकी रकम निःशेष भागअनुसार बाँडिनेछ।

निक्षेप संकलनमा सहभागी हुन, बैंक वा वित्तीय संस्थाले राष्ट्र बैंकबाट क, ख, ग वर्गको इजाजत प्राप्त हुनुपर्नेछ। यस निक्षेप संकलनको साँवा तथा ब्याज भुक्तानी २०८३ जेठ १३ गते गरिने छ।

प्रकाशित मिति : १७ फाल्गुन २०८२, आईतवार ११:३२   :  बजे

3
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।