काठमाडौं । उज्यालो नेपाल पार्टीका अध्यक्ष कुलमान घिसिङ ले जनताबाट प्राप्त जनादेशविपरीत कुनै वैकल्पिक बाटोबाट सांसद बनेर मन्त्री बन्ने सोचसमेत नगरेको स्पष्ट पारेका छन्।
नयाँ बन्ने सरकारमा आफ्नो सहभागिताबारे केही सञ्चार माध्यम र सामाजिक सञ्जालमा आएका टिप्पणीप्रति आपत्ति जनाउँदै उनले त्यसको खण्डन गरेका हुन्।
साथै, सरकारमा सहभागी हुने विषयमा हालसम्म कसैसँग कुनै छलफल नभएको पनि उनले स्पष्ट पारेका छन्।
उनले पार्टीलाई थप सुदृढ बनाउनेतर्फ आफूहरू केन्द्रित रहेको उल्लेख गर्दै भने, “हामी चुनावी परिणामलाई सम्मान गर्दै त्यसबाट पाठ सिकिरहेका छौं। उज्यालो नेपाल निर्माण, सुशासन र समृद्धिप्रति हाम्रो प्रतिबद्धता अटल छ। हाम्रा विरुद्ध फैलाइएका भ्रमपूर्ण प्रचारमा नपर्न सबैलाई अनुरोध गर्दछु।”
प्रतिक्रिया