काठमाडौं । मेची इन्डस्ट्रिजले सर्वसाधारणका लागि प्राथमिक सेयर (आईपीओ) निष्कासन गर्ने तयारी गरेको छ । कम्पनीले आईपीओ निष्कासन तथा बिक्री प्रबन्धकका रूपमा नेपाल एसबिआई मर्चेन्ट बैंकिङ लिमिटेडलाई नियुक्त गरेको हो ।
यससम्बन्धी सम्झौतामा नेपाल एसबिआई मर्चेन्ट बैंकिङका प्रबन्ध सञ्चालक तथा प्रमुख कार्यकारी अधिकृत सन्तोषकुमार भण्डारी र मेची इन्डस्ट्रिजका अध्यक्ष पवन घिमिरेले हस्ताक्षर गरेका छन् ।
कम्पनीले प्रतिकित्ता १०० रुपैयाँ अंकित मूल्यका १५ लाख कित्ता सेयर जारी गर्दै १५ करोड रुपैयाँ बराबरको आईपीओ सर्वसाधारणमा निष्कासन गर्ने जनाएको छ ।
प्रतिक्रिया