Logo

शेयर बजार

एनआईसीले आफ्नो स्वामित्वमा रहेको लगानी कोष, सूर्या र एशियन लाईफको सेयर लिलामिमा बिक्रि गर्दै



एनआईसी एसिया बैंकले आफ्नो स्वमित्वमा रहेको सूर्या लाईफ र एशियन लाईफ इन्स्योरेन्सको शेयर आजदेखि लिलामीमा राखेको छ । लिलालिमा रहेको  तीन लाख ३३ हजार ९९४ कित्ता सेयर बिक्रि गर्न लागेको हो ।  

बैंकले आज मंसिर ७ गतेदेखि लिलामीमा राखेको शेयरमा चार दिनभित्रमा आवेदन दिईसक्नु पर्नेछ । लिलामीमा राखेको शेयरमा सबैभन्दा बढि आवेदन भर्नेले पाउनेछन् ।

साथै एनआईसी एसिया बैंकले आफ्नो स्वामित्वमा भएको नागरिक लगानी कोषको शेयर समेत लिलामीमा राखेको छ । बैंकले नागरिक लगानी कोषको २ लाख २ हजार ५ सय ६० कित्ता, सूर्या लाइफको १ लाख ९३ हजार १ सय ९४, र एशियन लाइफको १ लाख ४० हजार ८ सय कित्ता संस्थापक शेयर लिलामीमा राखेको हो ।

बैंकद्वारा सूचनामा नागरिक लगानी कोषको शेयरमा बैंक, वित्तीय संस्था र बीमा कम्पनीले मात्र आवेदन दिन सक्ने छन् भने सूर्या लाइफ र एशियन लाइफको शेयरमा अन्य योग्य लगानीकर्ताले पनि आवेदन दिन सक्ने छन् । इच्छुक लगानीकर्ताले न्युनतम प्रति कित्ता १०० रुपैयाँ मूल्य राखी आवेदन दिनुपर्ने छ ।

शेयर लिलाम प्रक्रियाको लागि एनआईसी एसिया बिक्रि प्रबन्धक रहेको छ । उक्त लिलामीको शेयर खरिद गर्न चाहनेहरुले एनआईसी एसिया क्यापिटल, एनआईसी एसिया बैंकको केन्द्रीय कार्यालय तथा अन्य छ वटा शाखा कार्यालयमार्फत खरिद गर्न सकिने बैंकद्वारा प्रकाशित सूचनामा जनाइएको छ ।

प्रकाशित : ७ मंसिर २०७७, आइतबार