काठमाडौं । काठमाडौं। एग्रो बाई फूड्स प्रा. लि.ले ब्याटबाट उत्पादित ब्रान्ड एक्स्ट्रिम इनर्जी ड्रिंक्सले तेस्रो संस्करणको लागि ६ वटा फ्रेन्चाइज टोलीहरूको लागि नेपाल प्रिमियर लिग (एनपीएल) क्रिकेट टोलीलाई प्रायोजन गरेको छ। ८ फ्रेन्चाइज टोलीमध्ये ६ फ्रेन्चाइज टोलीसँग एक्स्ट्रिमले टाइटल स्पोन्सरसिप सम्झौता गरेको हो । यी हुन् जनकपुर बोल्ड्स, लुम्बिनी लायन्स, काठमाडौं गोर्खाज, कर्णाली याक्स, चितवन राइनोज र पोखरा एभेन्जर्स।
एनपीएलको तेस्रो संस्करणका लागि सोमबार आयोजित एक विशेष कार्यक्रममा ६ वटै टोलीका प्रतिनिधि र एग्रो थाई फुड्स प्रालिकी बिजनेस हेड सोनिया राणाबीच सम्झौता पत्रमा हस्ताक्षर भयो ।
सम्झौता पत्रमा उल्लेख भएअनुसार एक्स्ट्रिम इनर्जी ड्रिंक्स सम्बन्धित टोलीको प्रमुख प्रायोजकका रूपमा ३ वर्षसम्म रहनेछ भने टोलीहरूको प्लेइङ जर्सीको अगाडि प्रमुख स्थानमा एक्स्ट्रिम इनर्जी ड्रिंक्सको लोगो रहनेछ ।
कम्पनीका अनुसार यो सहकार्यले नेपाली क्रिकेटको सबैभन्दा ठूलो फ्रेन्चाइज प्रतियोगिता एनपीएलमार्फत ब्रान्डलाई अझ सशक्त रूपमा दर्शकमाझ स्थापित गर्नुका साथै नेपाली क्रिकेटको व्यावसायिक विकासमा समेत महत्वपूर्ण योगदान पुग्नेछ ।
कार्यक्रमका प्रमुख अतिथि क्रिकेट एसोसिएसन अफ नेपाल (क्यान) का अध्यक्ष चतुर बहादुर चन्दले एक्स्ट्रिम इनर्जी ड्रिंक र एनपीएल फ्रेन्चाइजहरूबीचको सहकार्य नेपाली क्रिकेटको दिगो विकास, खेलाडीहरूको भविष्य उज्ज्वल बनाउन तथा समग्र क्रिकेट संरचनालाई सुदृढ बनाउन महत्वपूर्ण कदम भएको बताए ।
कार्यक्रमलाई सम्बोधन गर्दै एग्रो थाई फुड्स प्रालिका नेसनल सेल्स मेनेजर कृष्ण दहालले एनपीएल नेपाली क्रिकेटकै सबैभन्दा ठूलो र प्रतिष्ठित प्रतियोगितामा ६ टोलीसँग एकैपटक टाइटल स्पोन्सरको रुपमा सहकार्य गर्न पाउनु गर्वको विषय भएको बताए ।
साझेदारी केवल ब्रान्ड प्रचारका लागि मात्र नभएर नेपाली क्रिकेटको दीर्घकालीन विकासका लागि रहेको उनको भनाइ छ । एक्स्ट्रिम इनर्जी ड्रिंक्सले विगत केही वर्षदेखि नेपाली खेलकुद क्षेत्रमा निरन्तर लगानी गर्दै आएको छ ।
प्रतिक्रिया