काठमाडौं । बहुचर्चित नक्कली भुटानी शरणार्थी प्रकरणमा जिल्ला अदालत काठमाडौं ले आज फैसला सुनाउने तयारी गरेको छ।
लामो समयदेखि चर्चामा रहेको यस मुद्दाको अन्तिम निर्णय आउन लागेसँगै अदालत परिसरमा सुरक्षा व्यवस्था कडा पारिएको छ।
फैसला सुनुवाइका लागि मुद्दामा संलग्न पूर्वमन्त्री, पूर्वउच्च पदस्थ कर्मचारी तथा अन्य प्रतिवादीका आफन्त, शुभेच्छुक, कानुन व्यवसायी र सञ्चारकर्मीहरू अदालत परिसरमा बिहानैदेखि जम्मा भएका छन्।
यस प्रकरणमा नेपाली नागरिकलाई नक्कली भुटानी शरणार्थी बनाएर तेस्रो मुलुक पठाइदिने प्रलोभन देखाई करोडौं रुपैयाँ ठगी गरिएको आरोप छ।
मुद्दामा पूर्वगृहमन्त्रीसहित पूर्वसचिव, सुरक्षा निकायका पूर्वअधिकारी र विभिन्न बिचौलियाविरुद्ध अभियोग दायर गरिएको थियो।
अदालतको आजको फैसला यस प्रकरणको कानुनी निष्कर्षका रूपमा हेरिएको छ भने यसको राजनीतिक र प्रशासनिक प्रभावसमेत महत्त्वपूर्ण रहने अपेक्षा गरिएको छ।
प्रतिक्रिया