एकैदिन तोलामा १९ सय रुपैयाँले महँगियो सुन, चाँदी कति?

काठमाडौं — नेपाली बजारमा साताको पहिलो कारोबार दिन आइतबार सुन र चाँदी दुवैको मूल्य बढेको छ।

नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ हजार ९ सय रुपैयाँले बढेर २ लाख ८४ हजार रुपैयाँ पुगेको छ। शुक्रबार सुन प्रतितोला २ लाख ८२ हजार १ सय रुपैयाँमा कारोबार भएको थियो।

चाँदीको मूल्य पनि प्रतितोला ४० रुपैयाँले बढेको छ। शुक्रबार प्रतितोला ४ हजार २ सय रुपैयाँ रहेको चाँदी आइतबार ४ हजार २ सय ४० रुपैयाँ कायम भएको महासंघले जनाएको छ।