सुर्खेत ।रसुवाको भोटेकोशीमा आएको बाढीबाट प्रभावित नागरिकको उद्धार तथा राहतका लागि कर्णाली प्रदेश सरकारले २ करोड रुपैयाँ सहयोग गर्ने भएको छ।
प्रदेश सरकारको मुख्यमन्त्री तथा मन्त्रिपरिषद्को कार्यालय, वीरेन्द्रनगरमा मंगलबार बसेको मन्त्रिपरिषद् बैठकले प्रधानमन्त्री दैवी प्रकोप उद्धार तथा राहत कोषमा २ करोड रुपैयाँ जम्मा गर्ने निर्णय गरेको हो।
मुख्यमन्त्री मंगलबहादुर शाहीका अनुसार बाढी प्रभावित क्षेत्रमा राहत तथा उद्धार, पुनःस्थापना, क्षतिग्रस्त संरचनाको पुनर्निर्माण र विपद् व्यवस्थापनका लागि उक्त रकम उपलब्ध गराइनेछ।
बैठकले सामाजिक विकास मन्त्रालयले तयार गरेको ‘शिक्षा क्षेत्र योजना २०८३–०९२’ पनि स्वीकृत गरेको छ।
प्रतिक्रिया