काठमाडौं । नेपाल कृषि अनुसन्धान परिषद्को आयोजनामा स्वदेशी स्याउको प्रवद्र्धन, बजारीकरण तथा अनुसन्धानसम्बन्धी ‘स्याउ प्रवद्र्धन कार्यक्रम’ सञ्चालन भइरहेको छ ।
कार्यक्रमअन्तर्गत नार्क परिसर, सिंहदरबार प्लाजामा सञ्चालन भइरहेको गतिविधिको कृषि, वन तथा पर्यावरण मन्त्री गीता चौधरीले निरीक्षण गरेकी छन् ।
निरीक्षणका क्रममा मन्त्री चौधरीले स्वदेशी स्याउको उत्पादन, प्रवद्र्धन तथा बजारीकरणका लागि भइरहेका प्रयासबारे जानकारी लिएकी थिइन् ।
उनले स्वदेशी उत्पादनको प्रवद्र्धनसँगै कृषकलाई प्रोत्साहन हुने गरी अनुसन्धान र बजारीकरणलाई प्रभावकारी बनाउनुपर्नेमा जोड दिएकी छन् ।
कार्यक्रममा स्वदेशी स्याउको उत्पादन, अनुसन्धान, प्रविधि तथा बजार प्रवद्र्धनसम्बन्धी विभिन्न गतिविधि प्रस्तुत गरिएको छ ।
प्रतिक्रिया