प्रधानमन्त्री ओली ६९औँ जन्मदिन मनाउन तेह्रथुम पुगें

प्रधानमन्त्री केपी शर्मा ओली आफ्नो ६९औँ जन्मदिन मनाउन जन्मथलो तेह्रथुम जाँदैछन् ।

प्रधानमन्त्री ओलीको जन्मदिनको अवसरमा आठराई गाउँपालिकामा दुई हजार विद्यार्थीलाई प्रमको तस्बिर र हस्ताक्षरसहितको डायरी र कलम तथा दुई सय वृद्धवृद्धालाई न्यानो कपडा वितरण गर्ने कार्यक्रम रहेको गाउँपालिकाले जनाएको छ ।आठराईमा त्रिभुवन विश्वविद्यालयको एक आङ्गिकसहित दुई वटा क्याम्पस र नौ वटा माविसहित ५८ वटा विद्यालय छन् ।

त्यहा प्रधानमन्त्री ओलीले ताप्लेजुङ्गको ढुङ्गेसाँघुमा रहेको मदन भण्डारीको जन्मघरसम्म जोड्ने मोटरबाटोको शिलान्यास गर्ने र नेपाल बैंकको शाखा कार्यालय उद्घाटन गर्ने समेत कार्यक्रम रहेको छ । प्रधानमन्त्रीको जन्मदिन मनाउन तेह्रथुमको आठराई गाउँपालिकामा आइतबार स्थानीय सार्वजनिक बिदा दिइएको छ ।