बीरगंज महानगरपालिकाका प्रमुख बिजय कुमार सरावगीले बीरगंजमा कोरोना बिशेष अस्पताल संचालनको अनुमती दिन संघीय सरकारको स्वास्थ्य मंत्रालय संग आग्रह गर्नु भएको छ ।
महानगर प्रमखु सरावगीले मंगलवार स्वास्थ्यमंत्री भानुभक्त ढकाललाई एक पत्र लेखी निजी क्षेत्रबाट संचालित गण्डक अस्पताल प्रालिले भवन, औजार उपकरण लगायतका भौतिक सम्पतिहरु निःशुल्क दिने सम्झौता भएको र नारायणी अस्पतालकै प्रमुख मे.सु. र चिकित्सकहरुको नेतृत्वमा संचालन हुने गरी अस्थायी कोभिड १९ अस्पताल संचालन अनुमती दिन उहाँले फेरी आग्रह गर्नु भएको हो ।
वीरगंज महानगरपालिका अन्तर्गत कोभिड–१९ का विरामीहरु देखिएका छन । कोभिडको संक्रमण स्थानीय समुदायमा समेत सरेको अवस्थाले वीरगंज उच्च जोखिममा रहेको छ । महानगरले कोरोना रोगको रोकथाम, क्वारेन्टाइन सञ्चालन एंव प्रभावित वर्गमा राहत वितरणको काम गरेकै छ ।
कोभिड रोगको रोकथाम एंव निदानका लागि कोभिड–१९ अस्पतालको आवश्यकता छ । त्यसको आवश्यक प्रवन्ध गरेर सञ्चालन गर्न लाग्ने लागत अनुमान सहित स्रोतको सुनिश्चितता र सञ्चालन गर्न अनुमति दिन आग्ह गर्दै बैशाख ८ गते मन्त्रालयमा पेश गरेको भएपनि अहिले सम्म अनुमती नदिइदा अन्यौलता सृजना भएको पत्रमा उल्लेख छ ।
वीरगंज स्थित नारायणी केन्द्रीय अस्पतालमा कोभिडको संक्रमण भई वीरगंजका दुई जना र सर्लाहीबाट समेत संक्रमित एक जना गरी तीन जनाको उपचार भैरहेको छ । यस पूर्व चार जना उपचार पश्चात् डिस्चार्ज समेत भई सकेका व्यहोरा सर्वविदितै छ । वीरगंज र यस आसपासको क्षेत्रमा समुदाय स्तरमा कोभिडको संक्रमणबाट महामारिको रुप लिन सक्ने खतरालाई दृष्टिगत गरी तत्काल अस्पताल संचालन अनुमती दिन अनुरोध गर्दछु महानगर प्रमुख सरावगीले भन्नु भएको छ ।
संघिय सरकारले वीरगंजको नारायणी अस्पताललाई उपलब्ध गराएको पिसीआर मेसिन हाल सम्म संचालनमा आउन सकेको छैन । वीरगंज महानगरपालिका लगायत यस आसपासका तीन—चार जिल्लाहरुमा जनसंख्याको उच्च चाप छ ।
त्यसैले पनि पिसीआर मेसिन सहितको ल्याव संचालन गर्ने ब्यवस्था मिलाई दिनहुन पनि महानगरप्रमुख सरावगीले अनुरोध गर्नुृ भएको छ । उहाँले परिक्षणकालागि ५ हजार भिटीएम समेत उपलब्ध गराउन आग्रह गर्नु भएको छ । प्रमुख सरवागीले यो पत्रको बोधार्थ प्रदेश २ को सरकारलाई पनि पठाउनु भएको छ ।
प्रतिक्रिया