२४ घण्टामा ७ सय ८ जना संक्रमित थपिए, ८ को मृत्यु

पछिल्लो २४ घण्टामा देशमा ७ सय ८ जना कोरोना संक्रमित थपिएका छन् । यो सँगै कुल कोरोना संक्रमितको संख्या २ लाख ५९ हजार ५४८ पुगेको स्वास्थ्य तथा जनसंख्या मन्त्रालयले जनाएको छ । 

गत २४ घण्टामा ६ हजार १३५ जनाको कोरोना परीक्षण गर्दा ७ सय ८ जनामा कोरोना पुष्टि भएको छ । यो सँगै नेपालमा कोरोना परीक्षण हुनेको संख्या १९ लाख २१ हजार ३६७ पुगेको छ । 

मंगलबार थप ८ जना कोरोना संक्रमितको मृत्यु भएको छ । यो सँगै कोरोना संक्रमित मृतकको संख्या १ हजार ८४० पुगेको मन्त्रालयले जनाएको छ । 

मंगलबार मात्र ७ सय ३१ जना उपचारपछि डिस्चार्ज भएका छन् । यो सँगै नेपालमा निको हुनेको संख्या २ लाख ५१ हजार ३१२ पुगेको छ ।