कृषकहरुलाई ऋण दिन ग्लोबल आइएमई बैंक र तानसेन नगरपालिकाबिच सम्झौता भएको छ । स्थानियहरुलाई कृषिमा सहुलियतपूर्ण ऋण दिन हेफर इन्टरनेशनल नेपाल र ग्रामीण आर्थिक विकास संघसँगको समन्वयमा बैंक र नगरपालिकाबीच सम्झौता भएको हो ।
तानसेन नगरपालिकाको अगुवाईमा कृषि अनुदान कर्जा सम्बन्धि सम्झौता पत्रमा हस्ताक्षर भएको बैंकले जनाएको छ ।
बैंकका लुम्बिनी प्रादेशिक कार्यालयका उपप्रमुख जोगलाल भुषाल र तानसेनका शाखा प्रबन्धक वीरबहादुर सारु तथा तानसेन नगरपालिकाका मेयर अशोककुमार शाहीले सम्झौतापत्रमा हस्ताक्षर गरेका छन् ।
बैंकले तानसेन नगरपालिकाको विभिन्न ठाउँहरुमा बाख्रापालन, डेरी, तरकारी खेती, कुखुरापालन, बंगुरपालन, माछापालन तथा विभिन्न फलफूलहरुको उत्पादन गर्ने कृषकहरुलाई ऋण दिने जनाएको छ । सरकारले यसमा ५ प्रतिशत ब्याज अनुदान तिर्ने जनाइएको छ ।
प्रतिक्रिया