Logo

अर्थ

जनकपुरमा ९ हजार बिघा सरकारी जग्गा अतिक्रमितको अपरेशन सुरु भएकाे गृहमन्त्री लामिछानेकाे घाेषणा



काठमाडौं । उपप्रधान एंव गृहमन्त्री रवि लामिछानेले जनकपुरमा अतिक्रमण भएकाे ९ हजार बिघा जग्गाकाे अपरेसन सुरू भएका बताएका छन् । उनले अतिक्रमित सबैलाई कानुनी कारबाहीमा ल्याउने बताएका छन् ।

शुक्रबार गृहमन्त्रालयमा आयोजित पत्रकार सम्मेलनको अन्त्यमा बोल्दै लामिछानेले केही दिनमै ९ हजार बिघा जग्गा अतिक्रमणविरुद्ध प्रहरीले अपरेशन सुरु गर्ने बताएका हुन् ।

‘जाँदाजाँदै तपाईंहरुलाई एउटा कुरा जानकारी गराउँ। वृहत् जनकपुरको ९ हजार बिघा जग्गा अतिक्रमण भएको पाइएको छ । यसविरुद्ध केही दिनमै बिग अपरेशन प्रहरीले गर्दैछ’ लामिछानेले भने ।

यसैगरी आफूले मन्त्रालय सम्हालेको १०० दिनमा अतिक्रमण भएका ६३३ बिघा ७ कट्टा १३ धुरा जग्गा सरकारको साबिककै अवस्थामा ल्याइएको बताए । अन्य ठाउँहरुका सार्वजनिक जग्गाहरु समेत खोजी गरेर सरकारकै नाममा ल्याउने काम भइरहेको पनि उनले बताए ।

प्रकाशित मिति : ३२ जेष्ठ २०८१, शुक्रबार २०:१६   :  बजे

102
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।